12-мартта райондук администрациянын жыйындар залында Нарын райондук мамлекеттик администрациясынын башчысы- аким Н.Мадимаровдун жетекчилиги астында жыйын өткөрүлдү.
Жыйынга акимдин биринчи орун басары Б.Кошалиев, айыл өкмөт башчылары, райондук суу чарба башкармалыгынын жетекчиси А.Бекбоев катышты.
Күн тартибинде төмөнкү маселелер каралып, талкууланды:
1. Кыргыз Республикасынын Министрлер Кабинетинин 2024-жылдын 29-апрелиндеги “Суу чарба секторунун натыйжалуу башкаруу жана өнүктүрүү жөнүндө” №207 токтомун ишке ашыруу;
2. 2025-жылда Ак-Сай жайлоосуна баруучу жол каттамдарды оңдоп-түзөө иштерин биргелешип бүткөрүү.
3.Кыргыз Республикасынын Өкмөтүнүн 2019-жылдын 5-февралындагы № 43 токтому менен бекитилген “Кум-шагыл аралашмасын жана чопо топурак казып алуу укуктарын мамлекеттик каттоо жөнүндө” жобосуна ылайык, берилген карьерлерди талапка ылайык келтирүү.
Өткөрүлгөн жыйында, Кыргыз Республикасынын Министрлер Кабитенин 2024-жылдын 29-апрелиндеги №207 токтомун Нарын районунда ишке ашыруу боюнча иш-чаралар планына ылайык, Нарын райондук суу чарба башкармалыгынын карамагына өткөрүп берүүгө даярдалып жаткан айыл аймактардагы ирригация тутумдарынын тиешелүү иш кагаздарын даярдоодогу маселелер талкууланып, айыл өкмөт башчыларына тиешелүү мекеме жетекчилери менен тыгыз иш алып баруу менен тез арада бүткөрүү жагы тапшырылды.
Ал эми күн тартибиндеги аталган 2-маселе боюнча жазгы көчүп-конууга карата алыскы Ак-Сай, Арпа жайлоолоруна баруучу жолдорду жана көпүрөлөрдү оңдоо боюнча сметаларды түзүп, долбоорлорун даярдоо жагы айтылды.
Күн тартибиндеги кийинки маселе боюнча “Кум-шагыл аралашмасын жана чопо топурак казып алуу укуктарын мамлекеттик каттоо жөнүндө” жобого ылайык, айыл аймактардагы берилген карьерлерди талапка ылайык келтирүү, мыйзамдаштыруу жана тиешелүү уруксат кагаздарын бүткөрүү.
Ошондой эле кошумча маселе катары күн жылып, аба ырайынын өзгөрүшүнө байланыштуу ар кандай болуп кетүүчү өзгөчө кырдаалдарды алдын алуу максатында күйүүчү майдын корун топтоо менен Жарандык Коргонуу техникаларын абалын дайыма даярдыкта кармоо жагы айыл аймак башчыларына тапшырылды.
