2025-жылдын 26-мартында М.Баетов атындагы райондук маданият үйүндө Кыргыз Республикасынын 2023-жылдын 4-августундагы N157 “Жаштар жөнүндө” Мыйзамынын, жаштар саясатын түзүү, жаштардын демилгесин колдоо, жаштар ишкердигин өнүктүрүү жана жаштардын мамлекеттик башкарууга катышуусунун багыттары боюнча жыйын өткөрүлдү.
Жыйынга Нарын райондук мамлекеттик администрациясынын башчысы-акимдин орун басары Э.Жанболотова, айыл аймактардын жаштар уюмдарынын өкүлдөрү жана райондук мекемелерден 35 жашка чейинки кызматкерлер катышты.
Андан сырткары Жаштар менен өткөрүлгөн жыйында Кыргыз Республикасынын Президентинин Жарлыктарын ишке ашыруу маселелери дагы талкууланды.
Жыйында баса белгиленген негизги багыттар:
Кыргыз Республикасынын Президентинин 2024-жылдын 18-декабрындагы “Улуттук дем- дүйнөлүк бийиктик” уңгужолун бекитүү жөнүндө” №369 Жарлыгы;Ысыпаркорчулукту азайтуу; “Жашыл мурас” улуттук өнөктүгүн алкагында жаштарды экологиялык демилгелерге тартуу;Жергиликтүү бийлик менен тыгыз иштешүү, жаштарды коомдук иштерге активдүү тартуу; Айыл аймактарында жаштардын ролун күчөтүү жана алардын демилгелерин колдоо.Жыйындын соңунда, жаштарга коомго пайда алып келүүгө жана аймактын өнүгүүсүнө салым кошуп, лидер, демилгечи жана уюштуруучу болууга ошондой эле экологиялык, социалдык-экономикалык жана маданий долбоорлорго активдүү катышууга чакырык жасалды.
