Кыргыз Республикасынын 2021-жылдын 20-октябрындагы №123 “Жергиликтүү мамлекеттик администрация жана жергиликтүү өз алдынча башкаруу органдары жөнүндө” Мыйзамынын 11 жана 53-беренесине ылайык Ботояров Алмасбек Өмүргазиевич Нарын райондук мамлекеттик администрациясынын башчысы-акимдин 2025-жылдын 13-мартындагы №13-пр буйругу менен Нарын районунун Учкун айыл аймагынын айыл ѳкмѳтүнүн башчысы болуп дайындалды.
Ботояров Алмасбек Өмүргазиевич 1978-жылы Нарын районунун Орто-Саз айылында туулган.
Билими-жогорку:
НМУнун филология факультетинин «Кыргыз тили жана адабияты» адистиги боюнча 1996-жылы тапшырып, 2002-жылы аяктаган;
КРПМБАна менеджмент багыты боюнча «Мамлекеттик башкаруу» адистигине 2011-жылы тапшырып, 2013-жылы аяктап бүтүргѳн;
Иш тажрыйбасы:
-1999-жылы Орто-Саз айылындагы орто мектебинде кыргыз тили жана адабияты сабагынын мугалими;
-2000-2005-жылдары Орто-Саз айылындагы орто мектебинде класстан жана класстан тышкаркы иштерди уюштуруучу;
-2004-2008-жылдары Жергиликтүү кеңештин депутаты;
-2008-2012-жылдары Нарын райондук кеңешинин депутаты;
-2010-2016-жылдары “Орто-Саз Ичээр суу” ИСКАКБнын тѳрагасы;
-2005-2023-жылдары Жолдон Саламатов атындагы орто мектепте директор;
-2023-жылдын 1-октябрында директорлук кароо-сынакка катышып, Жолдон Саламатов атындагы орто мектепте кайрадан директорлук кызматка бекиген.
