2025-жылдын 10-мартында Нарын райондук мамлекеттик администрациясынын башчысы-аким Н.Мадимаровдун тапшырмасына ылайык, акимдин биринчи орун басары Б.Кошалиев жана Кыргыз Республикасынын архитектура жана турак жай-коммуналдык чарба министрлигинин Нарын башкармалыгынын өкүлү Б.Ташманбетов менен биргеликте Ийри-Суу, Куйбышев айылдарындагы республикалык бюджеттен каржыланып курулушу жүрүп жаткан социалдык объектилер менен жеринде таанышты.
Чет-Нура айыл өкмөтүнүн Ийри-Суу айылындагы 225 орундуу Муса Байдөлөтов атындагы орто мектебинин курулуш иштери былтыркы жылы башталган. Бүгүнкү күндө мектептин курулуш иштери кайрадан жанданууда. Курулуш иштерин “Кайыңды М” ЖЧК жүргүзүп келүүдө.
Жалпы сметалык наркы 116 млн 623 мин сом.
Кийинки иш сапар Куйбышев айылындагы 375 орундуу Актан Тыныбеков атындагы орто мектебинде болуп, курулуш иштери менен жеринде таанышты.
Бүгункү күндө курулуш иштери жанданууда.
375 орундуу мектептин жалпы сметалык баасы 148 млн 663 мин сом.
Кыдыруунун жүрүшүндө курулуш жүргүзүлгөн аймактагы коопсуздук чаралары, курулуш иштеринин мөөнөтү, пландалган этаптарга жана жалпы иштердин сапатына көңүл буруу менен курушул иштеринде кандайдыр бир көйгөйлөр жаралса райондук администрация жана жергиликтүү бийлик тарабынан тиешелүү иш-аракеттер көрүлөөрүн белгиледи.
