Бүгүн, Муса Баетов атындагы маданият үйүндө маданият кызматкерлеринин кесиптик майрамына арналган салтанаттуу иш-чара болуп өттү.
2-ноябрь – Маданият кызматкерлеринин күнү элдин руханий дүйнөсүн байытып, улуттук баалуулуктарды сактап, өнүктүрүүгө салым кошкон маданият өкүлдөрүнүн эмгегин даңазалоо күнү катары белгиленет.
Иш-чарага Нарын райондук мамлекеттик администрациясынын башчысы-аким Н.Мадимаров, Нарын РИИБ жетекчилиги, райондук мекеме-ишканалардын жетекчилери, айыл өкмөт башчылары жана маданият кызматкерлери катышты.
Майрамдык программанын алкагында чакан концерттик программа тартууланып, ыр-бийлер жаңырды.
Ошондой эле маданият жана искусство тармагын өнүктүрүүгө кошкон салымы, активдүү ишмердүүлүгү үчүн бир катар кызматкерлер Нарын райондук мамлекеттик администрациясынын, Нарын РИИБдин, Социалдык фонддун, жана Нарын облустук үй-бүлөлүк медицина борборунун атынан «Ардак грамоталар»жана «Ыраазычылык каттары»менен сыйланышты.
