2025-жылдын 17-марттында Нарын райондук мамлекеттик администрациясынын башчысы-аким Н.Мадимаров катышуусунда Кыргыз Республикасынын Президентинин 2022-жылдын 24-февралындагы “Кыргыз Республикасында үй-бүлөлүк салтанатттарды жана маркумду эскерүү үрп-адаттарын тартипке келтирүү боюнча чаралар жөнүндө” №54 жана “Маркумду узатуу жана сөөгүн коюу иши жөнүндө Кыргыз Республикасынын мыйзамын ишке ашыруу боюнча чаралар тууралуу” №296 Жарлыктарынын талаптарын жана аткарылышын көзөмөлдөө боюнча райондук комиссиянын отуруму өткөрүлдү.
Отурумга комиссиянын төрайымы Э.Жанболотова, Нарын райондук ардагерлер Кеңешинин төрагасы, райондук жаштар Кеңешинин төрагасы, Нарын районунун баш имам-хатиби жана тиешелүү мекеме жетекчилери катышты.
Жыйында комиссия мүчөлөрү тарабынан жер-жерлерде Кыргыз Республикасынын Президентинин Жарлыктарын жергиликтүү тургундарга түшүндүрүү иштерин байма-бай жүргүзүү жагы белгиленди.
Ошондой эле ысырапкорчулукту алдын алуу, маркумду узатууда жана сөөгүн коюу ишинде, эстеликтерди талапка ылайык келтирүү, мүрзөлөрдүн айланасын тосууну Мыйзам талаптарына ылайык иш алып баруу боюнча жергиликтүү бийликке тиешелүү тапшырмалар берилди.
