Бүгүн, 6-мартта Муса Баетов атындагы Нарын райондук маданият үйүндө табият тартуулаган түгөнгүс мээрим менен көөнөргүс аруулуктун ээси болгон аялзатынын 8-Март Аялдардын эл аралык күнүнө карата салтанаттуу иш-чара өткөрүлдү.
Иш-чарага Нарын райондук мамлекеттик администарциясынын башчысы-аким Н.Мадимаров, райондук мекеме, ишкана жетекчилери катышты.
Иш-чарага айыл аймактардан жана райондук мекемелерден, айыл өкмөттөрдөгү баатыр энелер жана райондун өнүгүшүнө салым кошкон айымдардан 100 айым чакырылып,аким тарабынан Солтон-Сарыдагы алтын өндүрүшүн колго алган Кыргыз-кытай биргелешкен “Zhong Ji Mining” компаниясынын колдоосу менен алынган баалуу белектер тапшырылды.
Иш чарада Нарын райондук мамлекеттик администрациясынын башчысы-аким Н.Мадимаров куттуктоо сөзүн айтып, аялдардын коомдогу орду, сиңирген эмгеги жана жаш муундарды тарбиялоодогу, үй-бүлөдөгү ролун белгиледи.
“Аял жылмайса-аалам жылмаят” дегендей жан дүйнө сулуулугуңуздар менен ааламды багындырып, чың ден соолук, узун өмүр, бакыт- таалай жана бакубат турмуш каалады.
Мындан сырткары Кыргыз элинин ассамблеясынын өкүлү Абдыкеримов Амантур чакырылган конокторду куттуктады.
Аталган иш- чара концерттик программа менен коштолду.
