Бүгүн, 31-октябрда М.Баетов атындагы маданият үйүндө Кыргыз Республикасынын милиция кызматкерлеринин кесиптик майрамына арналган салтанаттуу иш-чара болуп өттү.
Иш-чарага Нарын райондук мамлекеттик администрациясынын башчысы-аким Н.Мадимаров, Нарын райондук ички иштер бөлүмүнүн начальниги К.Тукеев, иштер органдарынын ардагерлери, мекеме-ишкана жетекчилери, айыл өкмөт башчылары жана милиция кызматкерлери катышышты.
Район акими өз куттуктоосунда коомдук тартипти камсыз кылуудагы ички иштер органдарынын талыкпаган эмгегине токтолуп, жарандардын коопсуздугун камсыз кылуудагы кызматтары үчүн ыраазычылыгын билдирди.
Өз милдеттерин так жана жоопкерчилик менен аткарып келаткан кызматкерлер Нарын райондук мамлекеттик администрациясынын “Ардак грамоталары”жана “Ыраазычылык каттары”менен сыйланышты.
