Бүгүн, 21-мартта Нарын району жана Нарын шаардык мэриясы менен биргеликте Т.Усубалиев атындагы борбордук аянтта жаз айынын, жаңы башталыштын жана биримдиктин символу болгон Нооруз майрамы салтанаттуу белгиленди.
Иш-чарага Кыргыз Республикасынын Президентинин Нарын облусундагы ыйгарым укуктуу өкүлүнүн биринчи орун басары А.Сапаров, Нарын райондук мамлекеттик администрациясынын башчысы-аким Н.Мадимаров, Нарын шаарынын мэри К.Тутуев, мекеме, ишкананын жетекчилери жана кызматкерлери, район, шаар тургундары катышты.
Майрамдык иш-чарада Нарын районунун акими Нооруз майрамы менен калкты куттуктады. Өз куттуктоосунда “Нооруз-бул жаңылануунун, биримдиктин жана үмүттүн символу экенин баса белгилеп, бул майрам ар бир үй-бүлөгө тынчтык, токчулук, бакубатчылык жана өнүгүү болсун! Нооруз майрамыныздар менен!”
Иш-чаранын алкагында Нарын райондук жана Нарын шаардык маданият үйүнүн кызматкерлери тарабынан чакан сахналаштырылган сценка жана концерттик программалар тартууланды.
Ошондой эле сүмөлөк кайнатылып, конокторго тартууланды.
Бул улуттук майрам ар жыл сайын өзгөчө маанайда өтүп, элди бириктирип, достукту, ынтымакты жана тынчтыкты даңазалайт.
