2025-жылдын 12-марттында Миң-Булак айыл өкмөтүнө караштуу “Запин” участогуна бетон завод куруу үчүн жер аянты берилди.
Нарын райондук мамлекеттик администрациясынын башчысы-аким Н.Мадимаров жана “Акниет ЛТД” ЖЧК жетекчиси У.Курманкожоев менен эки тараптуу келишим түзүлүп, кол коюлду.
Бетон заводдун жалпы инвестициясы 200 миң АКШ долларын түзөт.
Белгилей кетсек, буга чейин бетон аралаштыруучу 4 техника(бетономешалка)келген. Наркы 154 миң АКШ долларын түзгөн.
Завод ишке кирген учурда саатына 90 куб бетон өндүрүлөт, өндүрүлгөн бетон көп кабаттуу үйлөргө, мектеп, бала бакчанын курулуш иштерине жарайт жана 2-этап менен бетон жабдыктары ( лоток, кольцо, плита) чыгарылат.
Ишкер У.Курманкожоевдин берген маалыматына ылайык, бетон завод 2025-жылдын апрель айында толук кандуу ишке берилет. Болжол менен 7-8 жумуш орун түзүлмөкчү.
