Бүгүн, 2025-жылдын 28-апрелинде Нарын райондук мамлекеттик администрациясынын башчысы-аким Н.Мадимаров, райондук агрардык өнүктүрүү башкармалыгынын жетекчиси А.Мүсүрканов, Учкун айыл өкмөтүнүн башчысы А.Ботояров менен биргеликте Учкун айыл өкмөтүнө караштуу Куланак айылындагы “Азим+С” асыл тукум кой чарбасынын(меринос тукумундагы койлор) ишмердүүлүгү менен жеринен таанышты.
Жолугушуунун жүрүшүндө чарбанын учурдагы ишмердүүлүгү, асыл тукум мал багуудагы ийгиликтери жана келечектеги пландары тууралуу кеңири маалымат берилди.
Белгилей кетсек, аталган чарба Нарын облустук “Теңир-Тоо өнүктүрүү” фондунун колдоосу менен МТЗ-892 үлгүсүндөгү жаңы трактор техникасын алып, жалпы 2 миллион 500 миң сом өлчөмүндө колдоо алган. Мындан тышкары, чарбада трактор үчүн бардык керектүү шаймандар, анын ичинде Ешка-302 чөп чапкыч жана 1 бортовой Спринтер унаасы да бар
Бул аракеттер айыл чарба тармагын, асыл тукум мал чарбасын өнүктүрүүгө жана жергиликтүү экономикага туруктуу салым кошууга багытталган.
