2025-жылдын 7-апрелинде Нарын-Орук-Там унаа жолунун Капчыгай бөлүгүндөгү “Ак-Кокту” участкасында унаа жолго түшкөн көчкүнүн 540 м3 кар көчкүсү тазаланып, жол каттамы эки тараптуу толук ачылды.
Кар көчкүнү тазалоо иштерин Нарын райондук мамлекеттик администрациясынын башчысы-акимдин биринчи орун басары Б.Кошалиев, ДЭУ-8 Жол тейлөө мекемесинин башкы инженери Н.Кадыркулов жана Нарын шаардык жана Нарын райондук өзгөчө кырдаалдар бөлүмүнүн улук офицери Э.Атаканов жеринде көрдү.
Кар көчкүсүн тазалоого ДЭУ-8 Жол тейлөө мекемесинин техникалары тартылып, көчкүнү тазалоо жана жолду ачуу иштери жүрдү.
Ошондой эле Нарын-Орук-Там унаа жолунун “Капчыгай” участкасында ДЭУ-8 Жол тейлөө мекемеси тарабынан жолду кеңейтүү иштери дагы жүргүзүлүүдө.
