Кыргыз Республикасынын Президенти Садыр Нургожоевич Жапаровдун демилгеси менен республиканын бардык аймактарында жүргүзүлүп жаткан “Жашыл мурас”улуттук өнөктүгүнүн алкагында, Нарын районунда дагы жашылдандыруу жана айлана-чөйрөнү коргоого багытталган иш-чаралар жүрүүдө.
2025-жылдын 12-апрелинде, Миң-Булак Айыл Өкмөтүнө караштуу Эмгекчил айылындагы Б.Жакыпов атындагы №30 кесиптик лицей, мектеп, бала бакча жана парктын тиешелүү жер аянттарына 200 түп ийне жана жазы жалбырактуу көчөттөр отургузулду.Иш-чарага Нарын райондук мамлекеттик администрациясынын башчысы-аким Н.Мадимаров,Миң-Булак айыл өкмөтүнүн башчысы А.Окенов, “Авелум-Партнер” ЖЧКсынын өкүлдөрү ,айыл тургундары, билим берүү мекемелеринин жамааты жана кесиптик лицейдин студенттери катышты.
Иш-чаранын максаты:– Аймактарды жашылдандыруу;
– Коомдук жайларды, социалдык обьектилерди көрктөндүрүү;
– Айлана-чөйрөнү коргоо;
Көчөт отургузуу иш-чарасы билим берүү мекемелеринин кызматкерлери жана кесиптик лицейдин студенттери тарабынан уюштурулган флешмоб менен коштолду.
Отургузулган көчөттөр “Авелум-Партнер” ЖЧКнун демөөрчүлүгү астында каржыланып, отургузулду
«Жашыл мурас» -келечек үчүн жаркын салым.
