2025-жылдын 26-март күнү Юридикалык жардам кызматынын Ысык-Көл жана Нарын облустары боюнча региондор аралык башкармалыгынын Нарын облусу боюнча бөлүм башчысы Ж.Эсенгул уулу жана долбоордун жетекчиси Бакиров Артур Жылдызбековичтин уюштуруусу менен Нарын районунда акысыз юридикалык жардам көрсөтүү системасынын ишин жакшыртууга боюнча жыйын өткөрүлдү.
Иш-чарага Нарын райондук мамлекеттик администарциясынын башчысы-аким Н.Мадимаров, айыл өкмөттөрдүн адистери, жооптуу катчылары жана райондук мекеме-ишканалардын тиешелүү кызматкерлери катышты.
Жыйында юридикалык жардам көрсөтүүнүн ыңгайлуулугун жана натыйжалуулугун жогорулатуунун жолдору каралды.Жолугушуунун негизги темалары:
Юридикалык жардам кызматы тарабынан иштелип чыккан консультациялардын жаңы электрондук системасы (CRM). Мамлекеттик органдар жана жергиликтүү бийлик органдары бул системаны өз иштеринде кантип колдонушу.Жолугушуунун соңунда жыйындын катышуучулары системаны кантип колдонуу боюнча деталдуу көрсөтмөлөрдү алышып, мамлекеттик органдар менен жергиликтүү бийлик органдарынын укуктук жардам көрсөтүү чөйрөсүндө өз ара аракеттенүүсүнүн жакшыртуу жолдору талкууланды.
