Бүгүн, 25-мартта Нарын райондук мамлекеттик администрациясынын башчысы-акимдин орун басары Э.Жанболотова, райондук билим берүү бөлүмүнүн жетекчиси жана Эмгек-Талаа айыл өкмөтүнүн башчысы менен биргеликте мектеп окуучулары арасындагы өткөрүлгөн предметтик олимпиадада ийгилик жараткан окуучунун ата-энесин, мугалимин жана мектеп директорун кабыл алып, мындан аркы республикалык турнирине даярдыктарды көрүү жагы талкууланды.
Белгилей кетсек, Эмгек-Талаа айыл өкмөтүнө караштуу Ак-Кудук айылындагы Омор уулу Кожоке атындагы орто мектебинин 11-классынын окуучусу Асанкулова Сезим Темиркановна математика сабагынан район жана облустук олимпиададан 1-орунду камсыздап, республикалык турга катышууга мүмкүнчүлүк алган.
Жолугушууда окучуунун жетишкендиктери анын билимге болгон умтулуусу жана аракеттери жогору бааланып,акимдин орун басары Э.Жанболотова окуучуну куттуктап, алдыда өтө турган республикалык олимпиадага даярдык көрүү боюнча ар тараптан колдоо көрсөтүлөөрүн айтып, ийгилик каалады.
Ийгилик жараткан окуучуга шык жана дем берүү максатында сыйлыктар тапшырылды.
