Бүгүн, 2025-жылдын 9-майында, Учкун айыл өкмөтүнө караштуу Куланак айылында Улуу Ата Мекендик согуштагы Улуу Жеңиштин 80 жылдыгына жана согуштун ардагери Аскарбек Орозакуновдун 100 жылдыгына арналган эскерүү иш-чарасы өткөрүлдү.
Иш-чарага:– Нарын райондук мамлекеттик администрациясынын башчысы-аким Н.Мадимаров;
– Учкун айыл өкмөтүнүн башчысы А.Ботояров;
– Райондук маданият бөлүмүнүн башчысы Ж.Нууева;
– Ардагердин балдары, неберелери, жакындары,
– Айыл тургундары, мекеме кызматкерлери, бала бакча жана мектеп жамааттары катышты.
Иш-чара “Өлбөс полк” жүрүшү менен башталып, андан соң А.Орозакунов атындагы паркка гүлчамбар коюлуп, согушта курман болгондордун элесине куран окутулду.
Нарын районунун акими Н.Мадимаров сөз сүйлөп, Улуу Жеңиштин 80 жылдыгы менен жалпы элди куттуктап, ата-бабалардын эрдигине таазим кылып, өлкөдө тынчтык, туруктуулук жана өнүгүү болушун каалады.
Иш-чаранын алкагында театрдаштырылган көрүнүш жана концерттик программалар көрсөтүлдү.Театралдаштырылган көрүнүш Нарын райондук Муса Баетов атындагы маданият үйүнүн мыкты кызматкери, режиссёр Тилекгүл Абылова тарабынан даярдалып, элге тартууланды.
Улуу Ата Мекендик согуштагы Улуу Жеңиштин 80 жылдыгына жана А.Орозакунов атанын жаркын элесине карата шахмат, тогуз коргоол, волейбол жана футбол боюнча спорттук иш-чаралар өткөрүлгөн.Спорттук мелдештер өз жыйынтыгына келип, жеңүүчүлөр салтанаттуу түрдө сыйланышты.
