2025-жылдын 3-июлунда Нарын райондук мамлекеттик администрациясынын башчысы-аким Мадимаров Нуридин Султанович тиешелүү мекеме жетекчилери менен биргеликте Мин-Булак айыл өкмөтүнө караштуу Эмгекчил айылында эл менен жолугушуу өткөрдү.
Жолугушуунун жүрүшүндө күн тартибине төмөнкү негизги маселелер коюлуп, кеңири талкууланды:
1. Кыргыз Республикасынын Президентинин 2022-жылдын 8-апрелиндеги №109 Жарлыгы — жерлерди өзү билемдик менен мыйзамсыз ээлеп алуу фактыларын алдын алуу жана болтурбоо боюнча чаралар жөнүндө;
2. Кыргыз Республикасынын Президентинин 2023-жылдын 14-мартындагы №56 Жарлыгы — автомобиль жолдорунун жээгиндеги жерлерге жол боюндагы тейлөө объекттерин (анын ичинде сооданы) мыйзамсыз жайгаштырууну алдын алуу жана бөгөт коюу боюнча чаралар жөнүндө;
3. Кыргыз Республикасынын Өкмөтүнүн 2001-жылдын 5-ноябрындагы №690 токтому — айыл чарба багытындагы жерлерди трансформациялоо маселелери боюнча.
Жолугушуунун жүрүшүндө айыл тургундары өздөрүнүн суроо-талаптарын жана сунуш-пикирлерин билдиришти.
Аким жана тиешелүү мекемелердин жетекчилери ар бир маселе боюнча түшүндүрмө берип, мыйзам чегинде каралаарын жана тиешелүү мекемелер менен биргеликте иш алып барылаарын белгилешти.
