2025-жылдын 19-июнунда Нарын райондук мамлекеттик администрациясынын башчысы-аким Мадимаров Нуридин Султанович Нарын облустук капиталдык курулуш башкармалыгынын өкүлү Б.Ташманбетов менен биргеликте райондогу Кыргыз Республикасынын «капиталдык салымдар» беренесинен каржыланып, курулушу журуп жаткан социалдык объектилерди, жолдорду жана капиталдык ремонттон өтүп жаткан маданият үйүн курулуш иштерин текшерүү максатында иш сапарда болду.
Алгач Дөбөлү айыл аймагында иш сапарда болуп, Таш-Башат айылында 225 орундуу мектептин курулушу («Дастан Групп Строй» жана «Биор Плюс») жана Эки-Нарын айылындагы 150 орундуу мектептин курулушу («Узар Групп») иштерин жеринде көрдү.Ошондой эле Нарын- Орук-Там унаа жолу 4 км оңдоп-түзөөдөн өтүүдө. Ондоп-түзөө иштери ДЭП-24 Жол тейлөө ишканасы тарабанын ишке ашырылууда.
Андан соң Чет-Нура айыл аймагында:– Ак-Кыя айылындагы 150 орундуу мектептин курулушу.
– Ийри-Суу айылындагы 225 орундуу мектептин курулушу.
– Орто-Нура айылындагы маданият үйү 15 млн сомдон ашык каражатка капиталдык ремонттон өтүүдө (Нарын облусун өнүктүрүү фондунун каржылоосу).
– Бүгүнкү күндө Үч-Нура унаа жолунун 1,5 км бөлүгүнө асфальттоо иштери жүргүзүлүүдө. Жол иштери ДЭП-8 Жол тейлөө ишканасы тарабынан ишке ашууда.
Э.Дайркунов айыл өкмөтүнө караштуу Кызыл-Жылдыз айылындагы 225 орундуу М.Иманалиев атындагы мектептин курулуш иштеринен кабар алды. Курулуш иштерин «Сапат Шер» ЖЧК тарабынан жүргүзүлүүдө.Андан сырткары Куйбышев айылындагы А.Тыныбек орто мектебинин курулуш иштери менен жеринде таанышты.
Кыдыруунун жүрүшүндө аким Н.Мадимаров аткарылып жаткан курулуш иштеринин сапаттуу жана өз мөөнөтүндө жүргүзүлүшүнүн маанилүүлүгүн баса белгилеп,тиешелүү тапшырмаларды берди. Ошондой эле, жергиликтүү бийлик тарабынан зарыл болгон бардык жардамдар көрсөтүлөрүн жана мындай социалдык объектилердин үзгүлтүксүз ишке ашырылышы көзөмөлдө болорун билдирди.
