Бүгүн, 2025-жылдын 5-июлунда, Нарын райондук мамлекеттик администрациясынын башчысы-аким Нуридин Султанович Мадимаров Миң-Булак айыл аймагына болгон иш сапарынын алкагында бир катар курулуш объектилерин жана аймактык ишембилик иштерин жеринен текшерди.
Аким алгач борбордук көчөгө төшөлүп жаткан асфальт иштери менен таанышып, сапатына көңүл бурду. Узундугу 1,5 км жолго асфальт төшөө жумуштары ДЭП-41 Жол тейлөө мекемеси тарабынан жүргүзүлүүдө.
Иш сапардын жүрүшүндө “Теңир-Тоо өнүктүрүү фонду” тарабынан каржыланып жаткан маданият үйүнүн капиталдык оңдоо иштери да жеринен көзөмөлгө алынды.Андан соң “Миң-Булак өнүктүрүү фонду”тарабынан курулуп жаткан жабык футболдук аянтчанын жана коомдук эс алуу багынын курулушу менен таанышып, жарандар үчүн ыңгайлуу шарт түзүлүшү керектигин баса белгиледи.
