2025-жылдын 19-апрелинде Кыргыз Республикасынын Президенти Садыр Нургожоевич Жапаровдун демилгеси менен жүргүзүлүп жаткан “Жашыл мурас” улуттук өнөктүгүнүн алкагында Нарын районунун Оттук жана Миң-Булак айылдарында жашылдандыруу иш-чарасы өткөрүлдү.
Иш-чарага катышкандар:
Нарын райондук мамлекеттикадминистрациясынын башчысы- аким Н.Мадимаров;
Акимдин биринчи орун басары Б.Кошалиев;Миң-Булак айыл өкмөтүнүн башчысы А.Окенов; “Жон-Жи-Майнинг” ЖЧКнун өкүлдөрү;жергиликтүү тургундар, мектеп жана бала бакчанын жамааттары, айыл өкмөттүн кызматкерлери жана жаштар катышышты.
Бул иш-чарада жалпы 300 түп көчөт отургузулду, анын ичинен 150 ийне жалбырактуу жана 150 жазы жалбырактуу көчөттөр.
Иш-чаранын негизги максаттары:– экологияны коргоо жана аймакты жашылдандыруу;
– коомдук жайларды көрктөндүрүү;
– келечек муундарга таза айлана-чөйрө калтыруу.
Оттук жана Миң-Булак айылдарына отургузулган көчөттөр “Жон-Жи-Майнинг” Жоопкерчилиги чектелген коому тарабынан каржыланган.Ошондой эле иш-чара флешмоб менен коштолду.
